Վ․ Ա․ Ֆանարջյանի անվան Ուռուցքաբանության ազգային կենտրոնի մի շարք ներկա և նախկին աշխատակիցներ ամանորյա միջոցառման ժամանակ պարգևատրվեցին հատուկ մեդալներով՝ երկարամյա անձնվեր աշխատանքի և ուռուցքաբանության ոլորտի զարգացման համար։

Մասնավորապես, «Ուռուցքաբանության ոլորտի զարգացման համար» մեդալներով պարգևատրվեցին կենտրոնի նախկին տնօրեններ՝ Լևոն Նիկիտայի Մկրտչյանը, Վալերի Սուրենի Բարսեղյանը, Հայրապետ Մեսրոպի Գալստյանը և Արմեն Հովհաննեսի Տանանյանը։

Ընդունարանի բժիշկ, նախկինում ընդունարանի վարիչ Ալլա Վիրաբի Սմբատյանը, Օնկոգինեկոլոգիայի բաժանմունքի վարիչ Գագիկ Արամի Ջիլավյանը,  Կենտրոնի հնաբնակներ՝ ռենտգենաբաններ Ցոլակ Արամի Դանիելյանն ու Կոնստանտին Բարդուղիմեոսի Ֆանարջյանը, Ճառագայթային բաժանմունքի նախկին վարիչ, երջանկահիշատակ Սամվել Կարապետի Քարամյանը, փոխտնօրեն Գագիկ Կարապետի Բազիկյանը, պաթոմորֆոլոգ, նախկինում պաթոմորֆոլոգիայի բաժանմունքի վարիչ Սվետլանա Իվանի Դավթյանը, քիմիաթերապիայի բաժանմունքի նախկին ղեկավար Լիդիա Գեորգիի Հայրապետյանը, Ոսկրային պաթոլոգիայի կենտրոնի հիմնադիր Սերգեյ Գրիգորիի Սեինյանը, Ռադիոգինեկոլոգիայի բաժանմունքի նախկին ղեկավար Ալինա Գուրգենի Խանգելդյանը և վիրաբույժ, Ընդհանուր վիրաբուժության բաժանմունքի նախկին ղեկավար Ռաֆիկ Գուրգենի Սարգսյանը վաղուց են ստացել «անվանի ուռուցքաբանի» կոչումը, և նրանց նույնանուն մեդալների շնորհումն ուղղակի փաստի արձանագրում էր։

Սրտանց շնորհավորում ենք բոլոր մեդալակիրներին։ Շնորհավորում ենք մեր բոլոր աշխատակիցների գալիք Նոր տարին և Սուրբ Ծնունդը։