Ուռուցքաբանության ազգային կենտրոնը շարունակում է ավելացնել մատուցվող ծառայությունների ցանկը՝ հանուն ձեր առողջության:

Կենտրոնում այսուհետ գործելու է ակնաբույժի ծառայություն: Դուք կարող եք ստուգել ձեր աչքերը՝ վստահ լինելով մասնագետի բարձր որակավորման վրա:

Թիկունքում ունենալով տարիների փորձ, մասնագիտական խորը գիտելիքներ՝ ձեզ դիմավորելու է բժիշկ Օֆելյան Գինոյանը:

Այս առիթով բժիշկը պատասխանել է մի քանի հարցերի.

Պե՞տք է արդյոք ստուգել աչքերը, եթե անգամ չկան անհանգստացնող նշաններ: Ինչու՞ :

Տեսողության ստուգումը ներառված է առողջության առաջնային պահպանման ծառայությունների ցանկում և հասանելի է բոլորի համար: Նույնիսկ եթե աչքերի հետ կապված որևէ խնդիր չկա, յուրաքանչյուր 2 տարին մեկ խորհուրդ է տրվում ստուգել տեսողությունը: Տեսողության ստանդարտ ստուգմամբ հնարավոր է հայտնաբերել աչքի այնպիսի հիվանդություններ, ինչպիսիք են գլաուկոման, կատարակտը, աչքի մելանոման (քաղցկեղի տեսակ),տարիքային մակուլյար դեգեներացիան, ինչպես նաև համակարգային այլ խնդիրներ՝ դիաբետ, զ/ե հիպերտենզիա և այլն։

Ակնաբուժական ինչպիսի՞ ծառայություններ են այսուհետ մատուցվելու ՈՒԱԿ-ում:

ՈՒԱԿ-ում այսուհետ հասանելի են լինելու՝

Ակնաբույժի առաջնակի համալիր խորհրդատվություն տեսողության սրության որոշում տոնոմետրիա բիոմիկրոսկոպիա ռեֆրակցիայի որոշում (ավտոռեֆրակտոմետրիա) ակնոցային կորեկցիա, ակնագնդի և նրա հավելյալ ապարատի հիվանդությունների կոնսերվատիվ բուժում