Սիրած առարկան՝ ֆիզկուլտուրա, սիրած սպորտաձևերը՝ ֆուտբոլ և կառատե. ՈՒԱԿ մասնագետների շնորհիվ մեր փոքրիկ պացիենտը շուտով կվերադառնա ակտիվ կյանքին
Սիրած առարկան՝ ֆիզկուլտուրա, սիրած սպորտաձևերը՝ ֆուտբոլ և կառատե. ՈՒԱԿ մասնագետների շնորհիվ մեր փոքրիկ պացիենտը շուտով կվերադառնա ակտիվ կյանքին
11-ամյա Եփրեմ Հովակիմյանը դիմել է ՈՒԱԿ՝ գանգատվելով զույգ ծնկահոդերի շրջանում ցավից։
Ըստ ծնողի՝ երեխան հիվանդ է եղել մոտ մեկ տարի, իսկ վերջին մեկ ամսում ցավերը զգալիորեն ուժգնացել են։ Դրա պատճառով նրանք դիմել են տեղամասային պոլիկլինիկա, որտեղ ռենտգենային հետազոտության արդյունքում հայտնաբերվել է աջ ազդոսկրի ստորին երրորդականի գոյացություն՝ պաթոլոգիկ կոտրվածքի վտանգով ։
Բազմաթիվ մասնագետների հետ խորհրդակցելուց հետո՝ այս տարվա ապրիլին, երեխայի ծնողները դիմել են ՈՒԱԿ-ի Սերգեյ Սեինյանի անվան հենաշարժիչ համակարգի ուռուցքաբանության բաժանմունք։ Լրացուցիչ հետազոտություններից հետո վերջնական ախտորոշումը հաստատվել է՝ աջ ազդոսկրի ստորին երրորդականի բարորակ ոսկրային գոյացություն՝ պաթոլոգիկ կոտրվածքի վտանգով ։
Սերգեյ Սեինյանի անվան հենաշարժիչ համակարգի ուռուցքաբանության բաժանմունքի մասնագետները որոշել են վիրահատել պացիենտին:
Կատարվել է աջ ազդոսկրի ստորին երրորդականի ներօջախային մասնահատում (ռեզեկցիա), պլաստիկա` արհեստական ոսկրանյութով և տեղադրվել է արտաքին ֆիքսացիայի ապարատ` հետագա հնարավոր կոտրվածքներից խուսափելու համար:
Վիրահատությունն իրականացրել են բժիշկ ուռուցքաբան-օրթոպեդ-վիրաբույժ Ալեքսանդր Սեինյանը, բժիշկ-ուռուցքաբաններ Նարեկ Գինոյանն ու Համլետ Մանուկյանը, բաժանմունքի օրդինատոր Մարիամ Բալասանյանը, անեսթեզիան իրականացրել է բժիշկ-անեսթեզիոլոգ-ռեանիմատոլոգ Արշակ Հարությունյանը:
Եփրեմն այժմ գտնվում է դինամիկ հսկողության տակ։
Եկեք բոլորս Եփրեմին շուտափույթ ապաքինում մաղթենք, և, իհարկե, նպատակների ու երազանքների իրականացում
Լուսանկարները հրապարակվել է ծնողների թույլտվությամբ:
