ՀՀ ԱՆ Վ․ Ա․ Ֆանարջյանի անվան Ուռուցքաբանության ազգային կենտրոնում տեղադրվել է վերջին սերնդի Pentax էնդոսկոպիկ համակարգ, որը թույլ է տալիս կատարել ստամոքսաղիքային տրակտի ինչպես ախտորոշիչ, այնպես էլ վիրահատական միջամտություններ։

Հագեցած է i10 սերիայի տարբեր տրամագծերի և երկարության, HD+ բարձր թույլտվության տեսաէնդոսկոպերով և i7010 բարձր հստակության տեսապրոցեսորով, որն ունի վիրտուալ խրոմէնդոսկոպիայի i-scan ռեժիմ։ Վիրտուալ խրոմէնդոսկոպիան տալիս է ստամոքսաղիքային տրակտի լորձաթաղանթի կառուցվածքի և անոթային ցանցի ավելի հստակ պատկերներ, ինչը հնարավորություն է տալիս ավելի վաղ հայտնաբերել ախտահարումներն ու հստակ որոշել դրանց սահմանները։

Նոր էնդոսկոպիկ համակարգով կատարվող հետազոտությունների և միջամտությունների ցանկը.

Էզոֆագոգաստրոսկոպիա, Կոլոնոսկոպիա, Helicobacter pylori-ի ուրեազային թեստ, Բիոպսիա, Արյունահոսությունների դադարեցում, Ստամոքսաղիքային տրակտի օտար մարմինների հեռացում, Ստամոքսաղիքային տրակտի նեղացումների բալոնային դիլատացիա, ստենտավորում Ստամոքսի բալոնավորում, Ստամոքսաղիքային տրակտի բարորակ և չարորակ նորագոյացությունների հեռացում, Էնդոսկոպիկ ռետրոգրադ խոլանգիոպանկրեատոգրաֆիա (լեղուղիների հետազոտություն) Էնդոսկոպիկ պապիլոսֆինկտերոտոմիա՝ (լեղուղիների մաքրում քարերից) Լեղուղիների ստենտավորում

Որպեսզի պացիենտները ցավի կամ տհաճության զգացողություն չունենան, հետազոտությունները և միջամնությունները կատարվում են ներերակային անզգայացմամբ։