ՈՒԱԿ են այցելել ԱՀԿ տարածաշրջանային գրասենյակի և Ռոբերտ Կոխ Ինստիտուտի (ՌԿԻ) փորձագետները
ՀՀ ԱՆ Վ.Ա. Ֆանարջյանի անվան Ուռուցքաոանության ազգային կենտրոն են այցելել ԱՀԿ տարածաշրջանային գրասենյակի և Ռոբերտ Կոխ Ինստիտուտի (ՌԿԻ) փորձագետները: Նրանք աշխատանքային այցով Հայաստան են ժամանել քննարկելու մեր երկրում վիրուսային հեպատիտների վիճակն ու դրանց արձագանքման միջոցառումները:
ՈւԱԿ-ի փոխտնօրեն Ալեքսանդր Սեինյանի ուղեկցությամբ հյուրերը շրջել են կենտրոնում, ծանոթացել վերջին տարիներին իրականացված բարեփոխումներին, ձեռք բերված սարք-սարքավորումներին, այցելել նորաբաց Պալիատիվ ծառայության կլինիկա։
Աշխատանքային քննարկման ընթացքում հյուրերին ներկայացվել է արյան միջոցով փոխանցվող վարակիչ հիվանդությունների (մասնավորապես՝ ՄԻԱՎ, վիրուսային հեպատիտներ Բ-ի և Ց-ի) կանխարգելման ուղղությամբ կենտրոնում իրականացվող միջոցառումները, հիվանդների մոտ վիրուսային հեպատիտների և լյարդի հեպատոցելյուլար քաղցկեղի հետ կապի վիճակագրությունը, անդրադարձ է կատարվել հեպատոցելյուլար քաղցկեղի տարածվածությանը։
Հանդիպմանը ևս մեկ անգամ կարևորվել է երկկողմ հարաբերությունների ամրապնդումը՝ հանուն բնակչության առողջության և երկրում վիրուսային հեպատիտների կանխարգելման:
