Նոր գիտելիքների ձեռքբերումը, նորարարական մոտեցումները և միջազգային գործընկերների հետ փորձի փոխանակումը կարևորելով՝ ՈՒԱԿ փոխտնօրեն Արամ Ջիլավյանը, Դեղորայքային ուռուցքաբանության բաժանմունքի ղեկավար Նաիրա Ջանոյանը, բժիշկ-քիմիաթերապևտ Աննա Թադևոսյանը և Ախտորոշիչ ծառայության բժիշկ-ռադիոլոգ Անահիտ Դարբինյանը փետրվարի 20-23-ը մասնակցել են Հռոմում անցկացվող ESGO-ի  Եվրոպական օնկոգինեկոլոգիական 26-րդ կոնգրեսին (European Society of Gynaecological Oncology - ESGO’s 26th European Gynaecological Oncology Congress):

Կոնգրեսի ընթացքում քննարկվել են ոլորտի արդի մարտահրավերները, բուժման նորագույն մոտեցումները և գիտական հետազոտությունների վերջին ձեռքբերումները:

Ավելի քան 50  գիտական նստաշրջանների շրջանակում միջազգային առաջատար մասնագետները ներկայացրել են նոր հետազոտական տվյալներ և բուժման առաջադեմ մեթոդներ՝ նպաստելով ոլորտի զարգացմանը և մասնագիտական փորձի փոխանակմանը։