Ուռուցքաբանության ազգային կենտրոնի համար շարունակում է առաջնային դերակատարություն ունենալ երկրում մասնագիտական առաջընթացի ապահովումը: Ուստի մենք, կարևորելով նեղ-մասնագետների շարունակական կրթությունը, ոլորտում տարբեր գիտական աշխատանքների իրականացման անհրաժեշտությունը, այս տարի ևս Կոնգրեսի շրջանակում սահմանել ենք գիտաթոշակներ:

Այսպիսով՝ 

2024 թվականի Հայկական ուռուցքաբանական չորրորդ կոնգրեսի հայաստանյան երեք լավագույն զեկուցողներին կտրամադրվի գիտաթոշակ։

Գիտաթոշակի գումարը չի տրվի հաղթողներին առձեռն, այլ այն կամրագրվի և կտրամադրվի բացառապես հետագա գիտական առաջխաղացման նպատակով՝ բարձր վարկանիշով գիտական հանդեսներում տպագրվելու, արտերկրում գիտաժողովներին և թրեյնինգներին մասնակցության վճարը հոգալու և այլնի համար։ Առաջին, երկրորդ և երրորդ տեղերի համար հատկացվող գիտաթոշակի գումարների չափերի մասին կհայտնենք լրացուցիչ։