Ուռուցքաբանության ազգային կենտրոնի Սերգեյ Սեինյանի անվան ոսկրային ուռուցքաբանության բաժանմունքի բժիշկ-դիմածնոտային վիրաբույժ Հայկ Բաբայան 4-շաբաթյա վերապատրաստում է անցել Իսպանիայի Բարսելոնա քաղաքում։

Clinical Planas և Hospital Sant Pau i Santa Creu կենտրոններում նա մասնակցել է վիրահատությունների, որոնց ընթացքում միկրովիրաբուժական տեխնոլոգիաների կիրառմամբ կատարվել է գլուխ-պարանոցի ազատ լաթերով ռեկոնստրուկցիաներ։

Մինչ այդ, ՈՒԱԿ-ում վերականգնողական վիրաբուժության համար կիրառվում էին նախաբազկի, ստորին վերջույթների, կրծքավանդակի առաջային պատի կամ թիակի հատվածի լաթերը։ Այժմ գլուխ-պարանոցի հատվածում դեֆեկտների վերականգնման նպատակներով հնարավոր կլինի կիրառել լաթեր ստորին վերջույթներից, որովայնի առաջային պատից, լայնական մկանից և վերին վերջույթներից։

Ի դեպ, վիրահատություններն իրականցվում են միկրոսկոպների միջոցով, որոնք հնարավորություն են տալիս փոքր՝ մի քանի միլիմետր տրամագիծ ունեցող անոթները միացնել իրար և ապահովել անոթների բնականոն աշխատանքը կարճ ժամանակահատվածում։

Նման բարդագույն վիրահատություններ Ուռուցքաբանության ազգային կենտրոնում բազմիցս իրականացվել են։ Հետևելով տեխնոլոգիական զարգացումներին, մեր մասնագետները մշտապես մասնակցում են վերապատրաստումների և տեղայնացնում աշխարհում կիառվող լավագույն փորձը։