Ջերմորեն շնորհավորում եմ ձեզ Կանանց միջազգային օրվա առթիվ: Այսօր հերթական անգամ հայտնում ենք ձեզ մեր անկեծղ սերն ու հիացմունքը, հարգանքն ու երախտագիտությունը՝ լիովին գիտակցելով, որ ձեր նկատմամբ հոգատարությունն ու գնահատանքը երբեք չպետք է սահմանափակվի միայն այս օրով:

 

Ձեր դերը մեր հասարակության մեջ անգնահատելի է, այդ թվում` նաև Ուռուցքաբանության ազգային կենտրոնում, որտեղ դուք ամեն օր ցուցաբերում եք բարձր պրոֆեսիոնալիզմ, նվիրում և անսահման աշխատասիրություն` լինելով աջակից ու ուժի աղբյուր բազմաթիվ մարդկանց համար:

 

Որպես բժշկական կենտրոնի տնօրեն, որտեղ բուժում են ստանում բազմաթիվ կանայք, ցանկանում եմ ևս մեկ անգամ ընդգծել, որ կանայք ուժեղ են, նրանք կարող են հաղթահարել նույնիսկ ամենադժվար փորձությունները։ Սակայն, ինչպես յուրաքանչյուր պատեհ առիթի դեպքում, այսօր ևս ուզում եմ խնդրանքով ու հորդորով դիմել ձեզ, սիրելի՛ կանայք և աղջիկներ, հետևե՛ք ձեր առողջությանը։ Արեք այդ ամենը ձեր սիրելիների և մտերիմների երջանկության, ձեր մասնագիտական հաջողությունների համար։

 

Կրկին շնորհավորելով այս գարնանային գեղեցիկ տոնի առթիվ` մաղթում եմ, որ օրվա ջերմությունն ու արևի լույսը ձեզ ուղեկցեն միշտ:

Թո՛ղ սերը, երջանկությունն ու բարօրությունը լինեն ձեր կյանքի ուղեկիցը:

 

Եղե՛ք առողջ: 

 

Նարեկ Մանուկյան

ՈւԱԿ տնօրեն